SHORT STORIES || বাট্টি য়ারি

Smriti1980Original stories written by Dr. Smriti Kumar Sinha in Bishnupriya Manipuri are available here. Till date he has penned 33 short stories.  Translations in Assamese, Bengali, Kannada and English are available in the translation section.

বিষ্ণুপ্রিয়া মণিপুরীৎ স্মৃতিকুমার সিংহর ইকরা গল্প হাবি এপেইৎ দেনা অইল, লগে গল্প ইকরিয়া লমনির তারিখ বার পইলা প্রকাশর তথ্যও।

স্মৃতিকুমার সিংহ মূলতঃ গল্পকার আগ। এবাকা পেয়া ৩৩হান গল্প ইকরেছে। গিরকর ইকরা গল্প বিষ্ণুপ্রিয়া মণিপুরী সাহিত্যরে বরা করেছে। বিষ্ণুপ্রিয়া মণিপুরী বার ডাঙর ভারতীয় সমাজেৎত উপাদান পুলকরিয়া চিরকালর মানুরকা প্রতিমা আগ হংকরে দেছে। গিরকর ইকরা গল্প আমার সমাজর গণ্ডীগ লালয়া অন্য সমাজর পাঠকরেও মুগ্ধ করেছে। গিরকর ইকরা গল্প অসমিয়া, বাংলা, কানাড়া বার ইংরাজিৎ অনুবাদ অয়া নিকুলেছে।

 স্বাধীনতা

১৫ই আগস্ট। স্বাধীনতা দিবস। মাৎতে মাৎতে দিনহান চানাপ্পা বিৎতাহে অইলহা। হবার বুকগ ডুক্‌ডুক্‌… থুক্‌থুক্‌… ডুক্‌ডুক্‌… থুক্‌থুক্‌… হারৌহানে আকফির, ডরহানে আকফির। এবছরতে বাজারর কাদার ময়দান ঔহানাৎ স্বাধীনতা দিবসর কুমেইহান ডাঙর করে হাঞ্জাছি। হাই, কুমেইহানহেনাই। কাদাবারার স্কুলহাবির শৌ ঔপেইৎ পুলইতাই। লয়াগর ডাঙরিয়া হাবিতে থাইতায়ে, স্বয়াং ডিসি এস্‌পি গিরকগাছিও থাইতাই। কিয়া বুল্লে, রাজধানীৎত ঔদিন ডাঙর মন্ত্রি গিরক আগ আহিয়া ফিরালহান হালকরতই ঔনি। ডাঙর কুমেইহান। কুমেই ঔহানাৎ এলা নাছা থাইতই। কাদাবারার হাবি জাতর শৌৱে নিজর নিজর ইমাঠারে এলা দেনি বুলিয়া লেপকরেছি। এমাটিক ডাঙর সভা এহানাৎ হবাই আমার ঠারে এলা আহান দিতই। কম ডাঙর কথাহান নাগই? কমিটির মানুৱে নির্মলাদিদিরে দায়িত্বহান দেছি… অপ্রকাশিত>>

[ইকরিয়া লমনির তারিখঃ তেজপুর ২০১৪ ইং, অপ্রকাশিত]

জঙা কুণ্ডলর পাটিগণিত

কুৎকুৎ… কুৎকুৎ… তা ৷ কুৎকুৎ… কুৎকুৎ…আটবছরর লীলাবতী উঠানহানাৎ আকখুলিগই কুৎকুৎ খেলানিৎ লাগেছে… নিঃসংগ নিরলে। বাগা কলোর টুমা আহানল উঠানর মাটিহানাৎ খাচ দিয়া কুঠা কুঠা করেছে৷ কলোর টুমা ঔহান দাক্কিহান করে উরা দিয়া জাং আহানল কুঠাৎত কুঠাৎ ফালদিরি বার লমইতেগা কুঠা আগ পুরণ চিন দিয়া কাপিরি ৷ থেক থেক অয়া আঠুৎ পড়েছে চুলকাতা ফালহান লেহে সিয়াউ সিয়াউ ফরদের৷ কানর দলা কুণ্ডলগিও সমান তালে ফালদের ৷ আঙালুরিহান করে পিদেছে ফুতিতুপ আঠুগি পেয়া তুলিয়া ধরেছে ৷ য়া বেরুনিহান মুঙেৎত পিঠিৎ নিয়া কংকেইর গাঠি দেছে৷ কুৎকুৎ… কুৎকুৎ…  আরাকৌ পাকরিক>>

[ইকরিয়া লমনির তারিখঃ তেজপুর ০৫-০৮-২০১০ ইং, পইলা প্রকাশঃ ফিরৈ]

ইচের খারৌ

১৪৫ নং বেকীরপার পাঠশালা… ১৪৫ নং বেকীরপার পাঠশালা…

তঙাল তঙাল সুরে পাঠশালাগর নাংহান মাতে মাতে হুদালা গারিগল ঘরগ হাবি বুলের পাচ বছরর থুনথুন৷ মাঠার কানির তুপল মালকে হংকরেদেছে হুদালা লেরিকর খৌগ লেমপালেৎত বুকগর গূজেদে তেরচি করে য়ালকরিয়া বুলের৷ বাপকে তার লেরিক আনে দেনাৎ বাজারে গেছেগা ৷ লগে নুৱা আঙেই, পালটুন বার জুতাও আনে দেতই৷ আহেরেকালি তা পইলা ইস্কুলে যানা অকরতইগ ৷ আহ্‌ , কী হারৌহান… ১৪৫ নং বেকীরপার…

ঘরর হমবুকে বহেছি মালক বার বনকগাছির চারিবেদে বুলানি অকরল৷ ঘরর হাবিহানে তারে চেয়া হারৌ অয়া আহিতারা৷ জেঠি বনক শান্তি মুকসি মুকসি দিরি৷ তেইও ইমে ঔ ইস্কুলে তামকরিরিগ৷ তারাংত পাচবছর কিতা জেঠি৷ চতুথর্মান শ্রেণীর ছাত্রীগ৷ থুন থুন তেইর লগে নিক্কা ইস্কুলে যিতইগা আহিতই৷ জেঠি বনক হিসাবে ডাঙর দায়িত্ব আহান তেইর গজে, আহের কালিৎত৷ বুলতে বুলতে ঘাম শৌঅইল থুনথুন ৷ থাঙও এরানি নেই ৷ মালকে তারে ধরিয়া আটকেইল, “অইলগা খাম্ অ ৷ মুর বুলেয়া পাহাৎ অয়া পড়তেই৷ ” আরাকৌ পাকরিক>>

 [ইকরিয়া লমনির তারিখঃ তেজপুর ২৮-০৬-২০১০ ইং, পইলা প্রকাশঃ লংলেই ২০১২ ইং]

বরন ডাহেকুরি

খুমলর মাটি হুকেইল

ঋতুচক্র ইলয়া জার, বসন্ত, শৌকরা লালয়া বরিষার পর আহিল৷ প্রকৃতি শৃংগার লমকরিয়া পুরুষর সালেদে আকুল অইলি৷ অসহ্য অনন্ত প্রতীক্ষা৷ অম্বুবাসির দিনে রজ:স্ৱলা অছে ইমামাটি চিৎগ অয়া হাকহানাদে চেয়া বাসেয়া থাইলি৷ হারপাছেনাই, আর আর বছরর ঠৌনা এবছরও এ পর এহানাৎ নুৱা সৃষ্টিবীজল মেঘপু্ঞ্জর রূপহান ধরিয়া দক্ষিণেদেৎত পুরুষ আহিতই সইনেই৷ থাইনাকালেৎত নিয়ম নাবাগিয়া চলিয়া আহের প্রকৃতি-পুরুষর লীলাহান৷ থাঙও, এবছরতে মেঘালার দেহাদেহি নেই৷ বরনর ফুটাগির সালেদে বাসেইতে বাসেইতে খুমলর মাটি পাগলপারা অছে৷ ইমামাটি হুৎতুমেও পাগল অছেছাৎ৷ কুরু কুরু বুজে ধূলি লয়া অংগ অংগৎ গছিরি, বৌহানাৎ হিচিরি৷ আসাংপা বনলতাপাতাল থমথম করের তেইর চুলকাতা ধূলিময় জটা জটা৷ অবাধ্য গারিগর তাপহান ধূলিসিনান করিয়া চিক্করানির হন্নাহান এহান? না ধূলিরেনুল ইমামাটির শৃংগারহান? মাটিহানাৎত হ গজফৌ পেয়া ফামে ফামে ফরদের বৌবুলুনি৷ তুহুমে তুহুমেৎত নিকুলের আকুল তপ্তা প্রাথর্নাহান এহান? না, বিফল শয্যা হাজানির পিছে বাসকুলির ঠুনিংশাহান? আরাকৌ পাকরিক>>

[ইকরিয়া লমনির তারিখঃ তেজপুর ১৯-০৫-২০১০ ইং, পইলা প্রকাশঃ পৌরি পত্রিকা, পূর্ণিমা রাস মারল  ১৪১৫ সন]

Translation: Seducing the Rain God (English)

উল্টাবেদ

হাবির মুঙে অশ্ৱমেধর গরাগ৷ কাপক পারা দলা৷ লেপর গজে উবিহান৷ বৌর আগাদে চিংলেই দাবহান লছে৷ চেইতে যেমন, দুনুকহানার জরায়ুগৎত এব্বাকা নাইগছ কাপেদেছি কারগ৷ গারগর দলা ডিগল চুল হাজার হাজার চহা কারর সাদানে উল্টাবেদে বৌহানাৎ আকসাটে এরেদেছে৷ গজে বরিষার হাকহান দিনঘর বাগের৷ দৌ জিলকার, দিন গুজুরের৷ অশ্ৱমেধর গরাগ যেগদে যারগা ঔগদে উচ উচ গরাৎ চরিয়া আতর বলম আঙেয়া পিঠি অছি আর্য নাঙর যাযাবর বর্বর জাতর ডাঙর দল আহান৷ কুশ বার প্রিস্নিৎত টেঙারা জুরুঙর হাদিয়েদে অকরেছি দিকদিশা নেই যাত্রহান৷ অশ্ৱমেধর গরাগর ঠিক পিঠিৎ বাদামি রঙর মেরমের করের হাবিৎগ উচ গরা ঔগর গজে বছে – ইন্দ্র, মানে দলপতিগ৷ পিঠিহানাৎ দরির বাধনে আছে রাম বলম আগ৷ বলমগর তামার ফলাহানর সাদানে চহা তার নাকগ৷ ইন্দ্রর গরাগ বৌহানাৎ ফরদের৷ লগে তার হুনার রঙর মুকা চুল বার দাড়িও৷ সেইক্ষাৎ অগ্নিকুন্তগ৷ তার ডিগল ডাঙর, বলি পাংকাল দেহাগ বেরেয়া আছে বাঘ্র চর্মর উত্তরিয়হান বৌহানাৎ ফিরাল সাকছে৷ মুরর হো গজফৌ করে ফরদের সুবর্ণ৷ ইন্দ্রর পৌআলপা চিনুনিগ৷ যেসাদে নাংহান ঔসাদে বর্ণহান৷ চেইতে বেলির মিঙালহান৷ হাকহানাৎত পাতাল পেয়া দেহে পারের দৃষ্টিহান৷ ইন্দ্রর বাতর বারাদে মান্না অয়া দাবদিরি তার আরাক বিশ্ৱাসি পৌৱালপি কুকুরী আগ, সরমা৷ ইন্দ্রর আক আতে গরাগর লাগামগাছি, আরাক আতে তার বজ্র মুঠিহানাৎ দধিচী ঋষির বুকর কংকালগ৷ নৃশংস বর্বর দল এহানর এবাকার ইন্দ্রগর প্রতীকগ…  আরাকৌ পাকরিক>>

[ইকরিয়া লমনির তারিখঃ  পারিস, ফ্রান্স ২৫-১২-২০০৮ ইং, পইলা প্রকাশঃ নামরিল হজক বিসারেয়া ২০০৯ ইং]

নারসিসাসর য়ারিহান

নারসিসাসর য়ারিহানতে হারপাছিনাই৷ গ্রীক পুরাণর য়ারিহান৷ রূপে অপরূপ গাবুরাপুৱাগ নারসিসাস৷ গাটর দৌগ সেফিসাসর পুতক৷ মাতাম ফাছে যৌবনহান৷ মুরেৎত জাং পেয়া অংগ অংগৎত রূপহান পাহিয়া পড়ের৷ মানুৱেহে তার হবা এহান দেখতারাতা, মাৎতারাতা৷ কিন্তু নিজর সাদ এহান তা কুনোদিন নাদেহেছে৷ ঔহানে তা কতিহান হবা এহান নিজে হারনাপাছে৷ নিজর সাদহান কুংগই দেহে পারতারাগ? মেংশেল নানিকুলেছে সময়কার য়ারিহাননাইকো৷ আরাকৌ পাকরিক>>

[ইকরিয়া লমনির তারিখঃ সফিয়া এন্টিপলিস, ফ্রান্স ০৭-১০-২০০৮ ইং, পইলা প্রকাশঃ নামরিল হজক বিসারেয়া ২০০৯ ইং]

দলা চের বানান

বিয়ান ফুঅনির আগে অলকা ফামহানাৎত লামলি৷ চাকাম ঘর লেপল৷ দুৱাৎ নিকুলিয়া উঠান খাটাং হুরানি অকরল৷ উঠানহান হুরিয়া গবর-মাটিল দারিগ লেপানি অকরল৷ আতহান খানি ত্বরা করল৷ বিয়ানকার খানি, ইস্কুলর ভাত, শৌগিরে ইস্কুলে সালকরে দেনা, কতি কাম৷ বিয়ান পরে মিকুপ আহান ডিলইলেই পরলেই৷ চারিবারা এবাকাও আধার অছে৷ কইনাকালেহে দৌদুক ডরপেইলতা৷ এবাকাতে কালাচিংকেইর দৌরে নাগই তেইর নিজর মানু এগরেহে ডরপেইরি৷ বুজন অয়া আহের মাহি আরাকও৷ বিয়ানেৎত রাতি ঘুমজানি পেয়া ইমে থুক্ থুক্, থুক্ থুক্, থুক্ থুক্৷ থুক্‌থুকানি এহানেই তেইর জীবনহান৷ বিয়ার আগেও, পিছেদেও৷ পদে পদে খুৎ ধরেরতা গতি নেই… এহানতে লালইলনাই, ঔহানতে চুমনেইনাই, গমনেই, জেলামানুগই থকনেই…আরাকৌ পাকরিক>>

[ইকরিয়া লমনির তারিখঃ মজাঁ, ফ্রান্স ২২-০৬-২০০৮ ইং, পইলা প্রকাশঃ নামরিল হজক বিসারেয়া ২০০৯ ইং]

রাতি আহানর ভগবান

আহের রাসপূণির্মার দিনে রাসহান৷ হবাগাছির ঘরে দিনরাতি মানুর গই৷ এবছরতে লয়াগৎ ইমে আকহান রাসহান৷ দৌৱাৎত কায়া আত পুছিয়া ঙকখি অছিতা থকয়া লয়াগর মানু রাস তামকরানিহান চানারকাও হবাগাছির ঘরে দ্ৱিপরকার ভাতপানি খেয়া পুলইতারা৷ রাসর দিনেতে মানুহান ফুকনিৎ পড়েছি৷ হবারতা হারৌর সীমা নেই৷ বিয়ার আগেৎতও ডাঙর করে রাস আহান করানি, ঔহানাৎ তেই বৃন্দাগ অয়া নাছানি, এহান তেইর হপনহান৷ তেই না নাছেছেগ নাগই৷ এলা নাছাৎ হবা বুলিয়া বিয়ার পিছেদেও কৎতখুরুম রাসে বৃন্দাগ অয়া, রাখুৱালে নন্দরাণীগ অয়া নাছেছেগ৷ অইলেও মানুর রাসে নাছানি বার নিজর রাস আহান করানি কিতা আকহানথাং? আরাকৌ পাকরিক>>

[ইকরিয়া লমনির তারিখঃ সফিয়া এন্টিপলিস, ফ্রান্স  ১১-০২-২০০৮ ইং, পইলা প্রকাশঃ পৌরি পত্রিকা ,পূর্ণিমা রাস মারল , ১৮১৫ সন]

চৌধুরী গোলাপচান

রাজারগাও৷ বিরাট সভাহান ডাঙর মালঠেপৎ চলেছে৷ ত্রিপুরা, ভানুগাস, সিলট, বারোমুনি, মেহেরপুর, বিক্রমপুর, হিংলা, প্রতাপগড় হাবি লয়ার গিরিগিথানি পুলছি৷ আমার মানুর ডাঙর কুমেই আহান৷

ধনসেনা বারো গোলাপচান মালঠেপে কাইলা৷ মাতামবালা যৌবনে কাকেই আকেইহান দেছি বয়সহান৷ নিজর আৱইপা পরিচয় বিসারেয়া গইগ অয়া বুলতারা মারুপহান৷ মুঙর ফালুৎ আর বহানির ফাম নেই৷ ঔহানে তানুর লেংকা মারুপ বহেছি পিঠির ফালুএদে তানু আগুৱেইলা৷ ধনসেনাতে রাজার পুতকগ থকয়া সভাসমিতিৎ আহিলে খানি ডাঙর অর৷ লেংকা মারুপে থতাল নামাৎলেও তারে সমীহ আহানতে করতারা৷ মুঙেদে তারকা ফাম আকচিলা তানু এরেদিলা৷ ধনসেনা ঔপেইৎ সাউকার অয়া বহিল৷ তার পিঠিৎ কিথিকুরুম অয়া, কুনোরকম চেলইল উদাক গোলাপচান৷ লেংকা ঔতারে তা তেরাদে চেইল – সেরকো৷ হাবিয়ে কুমেইর ফুতি বুলিয়া তঙাল আকতা পিদিয়া আহেছি৷ তারতাতে ইমে মালকে বুনেদেছে দপ কাটালুরির দলা আঙেইহানে, সাংডেল হাফপেন্টহানে, নিতিকার স্কুলর ফিরৈহান৷ কুমেইর ফিরৈ বুলিয়া তারতা তঙালতা আছেথাং?  আরাকৌ পাকরিক>>

[ইকরিয়া লমনির তারিখঃ   তেজপুর  ২৫-০৭-২০০৭ ইং, পইলা প্রকাশঃ অপরূপা  ৪ বছর  ৬ সংখ্যা  ০৩-০৯-২০০৭ ইং]

নগরর য়ারি আহান

হাই, নগরর য়ারিহান এনা৷ আগ বা দুগ নগররতা নাগই৷ মুম্বাই, চেন্নাই, কলকাতা, গুৱাহাটি – যে কুনো আগ ধরিক, য়ারিহানতে ইমে আকহান৷ এবাকা গুগুল আর্থ এগৎত নগর আগৎ জুম্ করিয়া চেইক, যেমন গুৱাহাটি…আরাকৌ পাকরিক>>

[ইকরিয়া লমনির তারিখঃ   তেজপুর  ১০-০৫-২০০৭ ইং, পইলা প্রকাশঃ পৌরি পত্রিকা ]

নামরিল হজক বিসারেয়া

বেলি হমানির পরহান৷ জিরানিয়া গাঙর তিনজুরা পথগ৷ গুরুর পারা আহানর গজে বাগা দাতসুরি নিকালেয়া আহিয়া নঙেছে সাত বছরর বাবাশৌ৷ কাদাৎ কাকালিৎ আত দিয়া নাতিয়করে ডান্ডি করিরি শংখলেইমা—

“হবা করে দাতসুরি নিকালেয়া আহিয়া থাক৷ মনে মনে মাত, ববেইঅ… ববেই… মোরে তোর হবা দাত ঔগি চালাক করে দে৷” নাতিয়করে মাতে মাতে তেইও দিনহানাদে চেয়া একীন অয়া হমা দিল৷ পথগৎ, তানুর চারিবেদে, উবা অছি বাবাশৌর লগর ঔতা ফঙেদে আহানি নুৱারিয়া চরে চরেদে খুক খুক করিয়া আহিতারা৷ ববাকরে আকফির বার লগর শৌতারে আকফির চেয়া বাবাশৌও লাজপা লাজপি করিয়া আহিল৷ তা লাজপারতা তার গারিগৎ ফুতি নেই ঔহানরকা নাগই৷ ববাকর কথা ইলয়া চালাক করে তার বাগেছে দাত ঔগি উঠক বুলিয়া হাবির মুঙে, তিনজুরা পথগৎ, গুরুর পারা আহানর গজে আহের এহানরকা৷

“অবায়, হবা করে দাতগি নিকালয়া আহিংতে নাবুলিয়া অটগি চিপেয়াহে আহের৷ দাত বাগুরা৷ দাতগি নিকালেয়া মাত, ববেইঅ… ববেই…” আরাকৌ পাকরিক>>

[ইকরিয়া লমনির তারিখঃ   তেজপুর  ০৬-০৭-২০০৬ ইং, পইলা প্রকাশঃ অপরূপা ৩ বছর  ৪ সংখ্যা  ০১-০৮-২০০৬ ইং]

নাগরিক

শম্পেন গাং!! গ্রেট নিকোবর দ্ৱীপর ‘ক্যাম্পবেল বে’র নিবার্চন অফিসেৎত ভোট লনারকা আমারে ডিউটি দেছি পলিং স্টেশনগর ফামহানর নাংহান হুনানিয়ে, পোলিং অফিসার কিরণ তানেজা বার মোর মেইথংহানি তেজপাতাহানির সাদানে চানাপ্পা হুকিল৷ ইলেক্‌ট্রনিক ভোটিং মেছিন, ভোটার লিস্ট, ডায়েরি আদি নির্বাচনর বারপজা সমজিয়া লয়া মুরে আত দিয়া অফিসগর মাংকলহানর কোণ আগৎ আমি বহিলাংগা৷ কাদতাং না আহিতাং?আরাকৌ পাকরিক>>

[ইকরিয়া লমনির তারিখঃ   তেজপুর  ২৮-০৫-২০০৬ইং, পইলা প্রকাশঃ অপরূপা ৩ বছর  ৫ সংখ্যা  ০৩-০৩-২০০৭ ইং।  শম্পেনে পইলা ভোট দিলাতা ২০১৪ ইংরাজিৎ। প্রতিবেদনহান চেইক]

অখন্ড-প্রজ্ঞার উপাখ্যানঃ চুমকার প্রেমর য়ারি আহান

“প্রজ্ঞা, চিন্তা নাকরি৷ বছর আহান পিছেদে মি তোরে বিয়া করিয়া দলেইৎ চড়েয়া নিয়া যিতৌগা৷” অখন্ডই মাৎল৷ “দলেইৎ? কিয়া? দলেইৎতে হাবিয়েও নিতারাগা৷ আমার এ টেঙারার লামেতে নুৱারা অইলেও দলেইৎ নিতারাগা৷ মোরে তি রেলগাড়িহানাৎ চড়েয়া নিয়া যিসগা, হে? মি রেলগাড়িৎ চড়ানি যে মনাউরিগতে… ফুঁ… ফুঁ… ঝিক্ ঝিক্, ঝিক্ ঝিক্…” রেলগাড়ীহানর শব্দর অবিকল নকল করিয়া অখন্ডর চারিবেদে বুলানি অকরল প্রজ্ঞা৷ আরাকৌ পাকরিক>>

[ইকরিয়া লমনির তারিখঃ   তেজপুর  ২১-১২-২০০৫ ইং, পইলা প্রকাশঃ অপরূপা ৩ বছর  ৩ সংখ্যা  ০১-০৫-২০০৬ ইং]

গল্পর নাং ইকৰিয়া লমনিৰ তাৰিখ পইলা প্ৰকাশ
স্বাধীনতা দিবস তেজপুৰঃ ২০১৪ ইং অপ্রকাশিত
মণিমালা ভাটিরগ্রামঃ ১৯৮৩ ইং অপ্রকাশিত
টিকি মুরিয়া ভাটিরগ্রামঃ ১৯৮৩ ইং অপ্রকাশিত
জঙা কুণ্ডলর পাটিগণিত তেজপুৰঃ ০৫-০৮-২০১০ ইং ফিরৈ
ইচেৰ খাৰৌ তেজপুৰঃ ২৮-০৬-২০১০ ইং লংলেইঃ ২০১২ ইং
বৰন ডাহেকুৰি তেজপুৰঃ ১৯-০৫-২০১০ ইং পৌৰি পত্ৰিকাঃ ৰাসপূৰ্ণিমা মাৰল ১৪১৭ সন
উল্টাবেদ পাৰিস. ফ্ৰান্স ২৫-১২-২০০৮ ইং নামৰিল হজক বিসাৰেয়াঃ ২০০৯ ইং
নাৰসিসাসৰ য়াৰিহান সফিয়া এন্টিপলিস, ফ্ৰান্স ০৭-১০-২০০৮ ইং নামৰিল হজক বিসাৰেয়াঃ ২০০৯ ইং
দলা চেৰ বানান মউজাঁ, ফ্ৰান্স ২২-০৬-২০০৮ ইং নামৰিল হজক বিসাৰেয়াঃ ২০০৯ ইং
ৰাতি আহানৰ ভগবান সফিয়া এন্টিপলিস, ফ্ৰান্স ১১-০২-২০০৮ ইং পৌৰি পত্ৰিকাঃ পূৰ্ণিমাৰাস মাৰল ১৪১৫ সন
চৌধুৰি গোলাপচান তেজপুৰঃ ২৫-০৭-২০০৭ ইং অপৰূপাঃ ৪ বছৰ ৬ সংখ্যা ০৩-০৯-২০০৭ ইং
নগৰৰ য়াৰি আহান তেজপুৰঃ ১০-০৫-২০০৭ ইং পৌৰি পত্ৰিকাঃ
নামৰিল হজক বিছাৰেয়া তেজপুৰঃ ০৬-০৭-২০০৬ ইং অপৰূপাঃ ৩ বছৰ ৪ সংখ্যা ০১-০৮-২০০৬ ইং
নাগৰিক তেজপুৰঃ ২৮-০৫-২০০৬ ইং অপৰূপাঃ ৩ বছৰ ৫ সংখ্যা ০৩-০৩-২০০৭ ইং
অখণ্ড প্ৰজ্ঞাৰ উপাখ্যানঃ চুমকাৰ প্ৰেমৰ য়াৰি আহান তেজপুৰঃ ২১-১২-২০০৫ ইং অপৰূপাঃ ৩ বছৰ ৩ সংখ্যা ০১-০৫-২০০৬ ইং
পাতা আহানৰ মহাভাৰত তেজপুৰঃ ২৬-০১-১৯৯৯ ইং বিঃ মঃ সাহিত্য সভাঃ ১ বছৰ ৩ সংখ্যা ১৬-০১-২০০৪ ইং
সাড়ে তিন আত হপন গুৱাহাটিঃ ১৫-০৮-১৯৯৪ ইং চিন্তাঃ ২ বছৰ ৩ সংখ্যা ২৭-০৪-১৯৯৫ ইং
জনগণমন গুৱাহাটিঃ ১৮-১০-১৯৯২ ইং চিন্তাঃ ১ বছৰ ২ সংখ্যা ৩০-১১-১৯৯২ ইং
দশমিক ভগ্নাংশ গুৱাহাটিঃ ২৫-০৬-১৯৯২ ইং চিন্তাঃ ১ বছৰ ১ সংখ্যা ৩০-০৮-১৯৯২ ইং
মৰা গাটৰ মাছ গুৱাহাটিঃ ০৪-১০-১৯৮৫ ইং ফাগুঃ ৫ বছৰ ২ সংখ্যা ১৫-০৮-১৯৮৬ ইং
মন্দিলাৰ তিৰাস কোহিমাঃ ০৮-০২-১৯৮৫ ইং সাড়ে তিন আত হপনঃ ২০০৫ ইং
আধুনিক কবিৰ গিথানক ভাটীৰগ্ৰামঃ ০২-০৮-১৯৮৪ ইং ভুবনমেলাঃ ১ বছৰ বিশেষ সংখ্যা ১৫-০৮-১৯৮৪ ইং
গুৰুনি ভাটীৰগ্ৰামঃ ২১-০৬-১৯৮৪ ইং নুৱাদৃষ্টিঃ ১ বছৰ ৩৩ সংখ্যা ২৮-১০-১৯৯০ ইং
পলাং ভাটীৰগ্ৰামঃ ২৫-০১-১৯৮৪ ইং ভুবনমেলাঃ ১ বছৰ ২ সংখ্যা ০৫-০৪-১৯৮৪ ইং
দুৰ্ভিক্ষঃ দুহান চিত্ৰকল্প ভাটীৰগ্ৰামঃ ০৯-১১-১৯৮৩ ইং নুৱা এলাঃ ৩ বছৰ ২ সংখ্যা ২৩-১০-১৯৮৪ ইং
গাস মাটিৰ সল্ ভাটীৰগ্ৰামঃ ৩০-০৯-১৯৮৩ ইং ভুবনমেলাঃ ১ বছৰ ১ সংখ্যা ০৫-০১-১৯৮৪ ইং
মিমাঙে কানাৰ কেইৰাক ভাটীৰগ্ৰামঃ ২৮-০৮-১৯৮৩ ইং বিঃ মঃ সাহিত্য পৰিষদৰ মুখপত্ৰঃ ১ সংখ্যা ০২-১০-১৯৮৪ ইং
মেস্তৰি ধ্ৱজৰ মৰণ ভাটীৰগ্ৰামঃ ০৯-০৪-১৯৮৩ ইং ফাগু ৫ বছৰ ৯ সংখ্যা
কাঠগড়াৎ যেবাকা বাপক গুৱাহাটিঃ ২২-০৭-১৯৮২ ইং স্মৃতিকুমাৰৰ ছোটগল্প ১ খণ্ডঃ ১৩-০৪-১৯৮৮ ইং
মণিদা বেলেয়া গেলগা লক্ষীপুৰঃ ১৬-০৮-১৯৮১ ইং স্মৃতিকুমাৰৰ ছোটগল্প ১ খণ্ডঃ ১৩-০৪-১৯৮৮ ইং
গৎ নেই ফুল ভাটীৰগ্ৰামঃ ২২-০৮-১৯৮০ ইং বৰাক প্ৰবাহঃ ১ বছৰ ৯,১০ সংখ্যা ০৬,২১-১১-১৯৮০ ইং
কৌহাং ভাটীৰগ্ৰামঃ ২১-০৪-১৯৮০ ইং বিঃ মঃ সাহিত্য পৰিষদৰ মুখপত্ৰঃ ১ সংখ্যা ০২-১০-১৯৮২ ইং
কেথকপি শিলচৰঃ ২৯-০৭-১৯৭৯ ইং বৰাক প্ৰবাহঃ ২ বছৰ ৯ সংখ্যা ০৯-১০-১৯৮১ ইং